Biddat Ki Haqeeqat: Part-(01)

☆  Biddat Ki Haqeeqat: Part-(01)

(“Bismillah-Hirrahman-Nirrahim: Allah Ke Naam Se Shuru Jo Nihayat Maherbaan Aur Rahem Wala Hai”)
Aajkal Mu’aashrey Me Dekha Jata Hai Ke.. Sunnat Ke Naam Par Biddat Ka Sikka Chalaya Jaa Raha Hai ,.. Aur Biddat Ko Itna Aasani Se Letey Hai Jaise Maano Ismey Koi Kharaabi Hi Na Ho ,..
Aayiye Iss Unwan Ke Tehat Hum Biddat Ki Haqeeqat Aur Iski Khabahat Ke Talluk Se Mukhtasar Si Roshni Dalney Ki Koshish Karte Hai ,..
* Biddat Ke Talluk Se Rasool’Allah (Sallallahu Alaihay Wasallam) Ne Apni Ummat Ko Sakht Roka ,. Aayiye Biddat Ka Mukhtasar Sa Maana (Defination) Aapke Samne Hum Rakhte Hai! – “Biddat Kya Hai .”
# Biddat Kise Kehte Hai ??
Har Wo Amal Biddat Hai Jo Sawab Aur Neki Ke Maksad Se Kiya Jaye Lekin Shariyat Me Jiski Asal Ya Buniiyad Na Ho, Yaani Rasool’Allah (Sallallahu Alaihay Wasallam) Ne Na Kiya Ho ,… Na Hukm Diya Ho ,.. Na Uss Cheez Ko Karte Hue Dekhkar Khamosh Rahe Ho Aisa Koi Amal, Koi Akida Jiski Asal Ya Buniyad Shariyate Islamiya Me Nahi Payi Jati Ho Wo Biddat Hai ..
• Biddat Ka Matlab Hota Hai “Ijad Karna” ,.. Nayi Cheez Banana ,..
Ab Bohot Se Logon Ko Jab Biddat Ki Baat Kare Tou Kehte Hai Ke – “Ha! Tum Tou Ghadi Pehan Rakhe Ho! Ghadi Bhi Biddat Hai,.. Aap Tou Internet Par Deen Faila Rahe Ho Ye Bhi Biddat Hai ,..
Tou Hum Aise Logon Se Ye Puchna Chahenge Ke –
* Kya Rasool’Allah (Sallallahu Alaihay Wasallam) Ne Wakt Na Dekha ? Beshaq Dekha Hai ,..
* Aap (Sallallahu Alaihay Wasallam) ne Gaib Me Dawate Na Di ? Beshaq Aapne Khutoot Ke Jarye Gaib Me Dawat Di ,..
Tou Asal Moujud Hai Inn Cheezo Ki – “Ke Waqt Dekha Ja Sakta Hai! Gaib Me Dawat Di Ja Sakti Hai …”
*Uske Liye Jo Bhi Paimana Tha Uss Zamane Me Wo Rasool’Allah (Sallallahu Alaihay Wasallam) Ne Istemal Kiya ,..
*Aaj Jo Paimana Hai Wo Hum Istemal Kar Rahe Hai ,..
*Kal Jo Bhi Hoga Wo Istemal Kiya Jayega…
•Lekin Wo Amal Jo Buniyad Hi Na Ho Shariyat Me Usko Koi Kare Usey Biddat Kahte Hai ,..
Waise Umuman Lugat Ke Aitbar Se Biddat Kahte Hai Ijad Karne Ko ,…. Invention Ko ,.. Inkheshafat Ko …
Lekin Shariyat Ke Isthela Me Deen Me Koi Naya Akida, Naya Amal Ijad Karne Ko Biddat Kahte Hai ,..
* Aur Shareeyat me Har Nayi Biddat Gumaarhi Hai ,.. Insha’Allah Aagey Ke Parts me Isey Tafseel Se Dekhenge ,..
# Biddat Kisko Jyada Pasand Hoti Hai ??
Sufiyan Sauri (Rahmatuillah Alahi) Biddat Ke Talluk Se Bayan Farmate Hai Ke –
“Biddat Shaitan Ko Gunaaho Se Jyada Pasand Hai,..
Kyunki Biddati! Biddat Ko Neki Samajh Kar Karta Hai,..
Kyun Tou Gunahgar Kabhi Na Kabhi Tauba Karta Hai Gunaah Se ..
Aur Biddati Deen Samajh Kar Biddat Karta Hai,.. Isiliye Usey Kabhi Tauba Nasib Nahi Hoti ,..
Kyunki Wo Kharab Kaam Acha Samajh Kar Karta Hai… 
# Duniya Me Biddat Se Koi Mumaniyat Nahi –
Shareeyate Islamiya Ne Duniya Me Hume Biddat Karne Se Nahi Roka!!
Matlab Duniya Me Inventions Kijiye ,.. Khub Discoveries Kijiye!
Lekin Haa! Deen Me Koi Nayi Baat Ijad Mat Karna ,..
Kyunki Deen Wohi Hai Jo Rasool’Allah (Sallallahu Alaihay Wasallam) Ka Laya Hua Hai…
Ismey Koi Naya Akida, Naya Amal Shameel Nahi Ho Sakta,..
*Haa! Duniya Ke Andar Aap Nayi “Buildings” Banana Chahtey Ho ,..
*Achi-Achi Gaadiya Chalana Chahtey Ho ,..
*Libas Ke Usool Wale Acche-Acche Kapde Pehnana Chahte Ho ,..
*Nayi-Nayi Technology Ijad Karna Chahte Ho,.. Jo Karna Hai Karo! Isme Koi Masla Nahi!
*Lekin Rasool’Allah (Sallallahu Alaihay Wasallam) Ke Shareeyat Ke Andar Koi Nayi Cheez, Naya Akida Ijad Na Karna..
Iss Se Shariyat ne Hume Sakht Roka Hai ,..
# Biddat Ka Maksad Kya Hota Hai :
Biddat Ka Maksad Ye Hota Hai Ke – “Kum Wakt Me Kum Amal Karke Jyada Ajar Paa Ley,..”
Aur Uske Liye Fir Nayi Nayi Baate Nikaali Gayi,.. Ke Falah, Amal Falah Wakt Me, Falah Martba Kar Liye Tou 500 Saal Ka Sawaab,.. Subhan’Allah!!!
Biddati Ke Biddat Ijad Karne Ka Maksad Bohot Nek Hota Hai,.. Wo Kum Wakt me Jyada Ajar Pana Chahta Hai …
Lekin Yaad Rakhiye Shareeyate Islamiya Ek Aisi Shareeyat Hai Jisme Tamam Neki Kar Ke Bata Di Gayi…
*Rasool’Allah (Sallallahu Alaihay Wasallam) Ne Aisa Koi Chota Amal Bhi Na Tha Neki Ka Jo Bata Na Diya Ho
Aur Na Hi Aisa Koi Bada Amal Tha Jo Ummat Ko Bata Na Diya Ho Ke – “Ye Neki Hai”
*Aur Sahaba Nekiyo Me Aise Harees They,.. Jitna Hum Duniyawi Doulat Ke Muamle me bhi Harees Nahi Hotey ,..
Aayiye Ek Iss Talluk Se Ek Hadees Par Gour Karte Hai,…
# Nekiyo Ke Muamle Me Sahaba Ki Hirs –
» Mehfum-e-Hadees: Rasool’Allah (Sallallahu Alaihi Wasallam) Ke Paas Kuch Sahabi (Raziallahu Anhu) Aatey Hai Jo Gareeb They, Rasool’Allah Se Arz Karte Hai –
Ya Rasool’Allah ! Yeh Maaldaar Log (Sahaba-e-Kiram) Namaz Padhtey Hai, Roza Rakhtey Hai, Hajj Karte Hai, Zakaat Detey Hai, Tamaam Kaam Karte Hai, Uskey Bawajud Allah Ki Raah Me Maal Kharch Karke Nekiyon Me Humse Aagey Nikal Jaate Hai..
Aap Hume Koi Aisa Amal(Solution) De Dijiye Ta’aki Hum Bhi Nekiyo Me Inkey Barabar Aa Jaye..
Rasool’Allah Ne Farmaya – “Har Namaz Ke Baad 33 Martaba Tasbeeh (Subhan’Allah) Aur Tamheed (Alhamdulillah) Aur Takbeer (Allahu Akbar) Aur Aakhir Me Kaho ‘La Ilaha Illa Wahdahu La Sharika Lahu, Lahul Mulku Wa Lahul Hamdu, Wa Huwa Ala Kulli Sha’in Qadir’
Fir Tum Bhi Nekiyon Me Inkey Barabar Aa Jaoge.”
*Gareeb Sahaba Khush Hue.. Ke Ab Hum Bhi Nekiyon Me Ameer Sahaba Ke Barabar Ho Jayenge.
Masjid Me Pohchey, Aur Namaz Ke Baad Tehtees-Tehtees Martaba Tasbeeh, Tamheed Aur Takbeer Padhney Lage ..
Yeh Amal Dekhkar Ameer Sahabiyon Ko Ta’ajub Hua Aur Ek Ne Unsey Sawal Kiya Ke Ye Kaisa Amal Hai??
Ab Gareeb Sahaba Chupa Bhi Nahi Sakte They.. Unhone Kaha Ke – ‘Hum Tumhari Shikayat Lekar Gaye They Rasool’Allah Ke Paas.. Ke Tum Maal Ki Vajah Se Nekion Me Humse Aagey Nikal Jatey Ho, Hum Bhi Nekiyo Me Tumhare Barabar Aana Chahte They Lihaja Rasool’Allah Ne Hume Yeh Falah Falah Tasbih De Di …
Unn Ameer Sahabiyon Ne Kaha – ‘Acha Thik Hai’
Ab Agli Namaz Me Sabhi Moujud Hai.. Namaz Ke Baad Gareeb Bhi Tasbeeh Padh Rahe Hai Aur Ameer Bhi ..
*Wo Fauran Rasool’Allah Ke Paas Pohche Aur Arz Kiya – ‘Ya Rasool’Aallah(Sallallahu Alaihi Wasallam) Jo Amal Aapne Hume Diya Tha Wo Unhone Ne Bhi Shuru Kar Diya’..
Rasool’Allah Ne Farmaya … “Zalika Fazlullahi Yuti Hi Mayyashaha” (Yeh Allah Ka Fazl Hai Maal-O-Daulat Wo Jise Chahta Hai Ata Karta Hai)..
- Sahih Bukhari, Vol 2, #843
– Sahih Muslim Book 004, Hadith Number 1239. – @[156344474474186:]
Tou Dekha Aapne – Ke Sahaba Nekiyo Me Itney Harees They Ke Sunnat Se Sabit Koi Amal Chortey Nahi They,, Aur Jo Kaam Sunnat Se Sabit Na Tha Usey Biddat Jantey They…
# Sahaba Ne Biddatiyo Se Kya Sulooq Kiya ?
Aayiye Abdulah Bin Masud (Razi’Allahu Anhu) Ka Ek Wakiya Hai Uspe Gour Karte Hai ,…
Aap Kufa Me They ,.. Aur Ek Shakhs Daudta Hua Aaya Aur Kehne Laga – “Aye Abdullah ! Ek Ajeeb Cheez Maine Dekhi ,.. Log Fazar Ke Baad Masjid Me Jama Ho Rahe Hai ,.. Aur Halke (Groups) Bana Rahe Hai ,…
Aur Ek Shakhs Usme Kehta Hai Subhan’Allah! Aur Sab Kehte Hai Subhan’Allah!!!
Fir Ek Giroh Kehta Hai Alahmdulillah ! Aur Sab Chillatey Hai Alahmdulillah !!!
Isi Tarha Wo Tasbihaat Padh Rahe Hai !!!”
Ye Cheez Rasool’Allah ﷺ Ke Zamane Me Tou Humne Nahi Paayi Aur Wo Log Kar Rahe Hai ,..
Abdullah Bin Masud Ne Uska Girebaan Pakda Aur Kaha – “Tuney Unhe Roka Kyu Nahi ?”
Usney Kaha Ke – “Wo Log Bohot Jyada They! Tum Chalo, Tum Sahabi-e-Rasool Ho, Tum Kuch Kaho Unhe,..”
*Abdullah Bin Masud Aaye Aur Tamam Ko Masjid Se Hakaal Diya Aur Kaha Ke – “Tum Wo Amal Karte Ho Jo Rasool’Allah ﷺ Ke Daur Me Humne Na Kiya Aur Rasool’Allah Ne Hume Na Bataya ,…”
Aur Rasool’Allah Ke Daur Me Aisa Humne Nahi Kiya Kabhi ,.. Ya Rasool’Allah ﷺ Ne Humko Ijajat Nahi Di Ke Halke Aur Giroh Banakar Tasbeehat Padha Karo ,…
Ha! Jitni Tasbihat Padhna Hai Apni Padho Alag Alag,… Lekin Rasool’Allah Ke Daur Me Halke Banakar Jamat Se Kaam Humne Nahi Kiya Kabhi,…
Tou Tum Rasool’Allah ﷺ Ke Jaane Ka Baad Humari Zindagi Me Ye Amal Karte Ho … Ye Keh Kar Masjid Se Tamam Ko Hakaal Diya .. [Ref: – Related by Ad-Daremie (204) and Abu Na`eim with an authentic chain. Authenticated by Al-Haithamee (Al-Majma, 1/181, 189), Al-Haitamee (Az-Zawaajir, Al-Kabeerah #51 ), Al-Albaanee (As-Saheehah, 2005; Ar-Radd alal-Habashee, p.45-47), Abdul-Muhsin Al-Abbaad (Al-Hathth alat-tibaa-is-Sunnah, p.49), Bakr Aboo Zaid (Tas-heeh-ud-Duaa’, p.149, 153, 154), Husayn Asad (Musnad-ud-Daarimee, 210), Amr Saleem (Al-Bida libn Waddaah, 27), Al-Hilaalee (Al-Bidah, p.44-47), Al-Halabee (Ihkaam-ul-Mabaanee, p.55-58), Al-Huwainee (Al-Bidah wa Aathaaruhaa (1), 03:45), Mashhoor Salmaan (Al-Amr bil-Ittibaa, p.83-84), Zakariyyaa Al-Baakistaanee (Taudeeh-ul-Usool ) and others.]
Tou Sahaba Jara Si Bhi Aisi Cheez Ko Bardasht Nahi Karte Jo Deen Me Nayi Hoti Aur Rasool’Allah Se Sabit Na Hoti,…
Fir Goya Wo Subhan’Allah Hi Kyu Na Padh Rahe They ,.. Goya Alahmdulillah Hi Kyu Na Padh Rahe They ,..
Lekin Tareeka Rasool’Allah Ka Ikhteyar Nahi Kiya ,… Tou Fir Wo Amal Durust Nahi ,… – @[156344474474186:]
= = = = = = = = =
# Biddat Kar Liye Tou Kya Hua ?
Ab Jo Biddat Karte Hai, Unka Ek Ajeeb Mu’amla Hota Hai Ke – “Kar Liye Tou Kya Hua?”
Aayiye Hum Batane Ki Koshish Karte Hai Ke Kya Hua ?
*Azan Ke Aakhri Alfaz Kya Hai ?
“La Ilaha Ilallah” Yahi Aakhri Alfaz Hai Na Azan Ke…
Lekin Kal Hum Aapke Mohalley Ke Masjid Me Aakar Azan Detey Hai .. Aur “La-Ilaha Illah Mohammadur Rasool’Allah” Par Azan Puri Karte Hai ,.. Aap Aa Kar Humey Kya Karoge Aur Kyu Karoge ?
*Kya Galat Kiya Humne? Kalme Ko Mukammil Hi Kiya Jo Nahi Karte They Azan Me… Koi Galati Hai Iske Andar ??
*Aap Kahoge Ke – Rasool’Allah ﷺ Ke Zamane Me Aesi Azan Nahi Di Gayi ,.. Lihaja Ye Biddat Hai Aur Masjid Se Hume Hakaal Diya Jayega ,..
Mera Yahi Sawal Hai – “Yahi Hua,… “
Tumne Wo Amal Kiya! Shareeyat Pe Ilzam Lagaya Ke – “Ye Amal, Iski Neki, Iska Sawab Rasool’Allah ﷺ Ko Na Maloom Hua, Na Sahaba Ko Maloom Hua Lekin Humko Aur Aapko Maloom Ho Gaya..” Maz’Allah !!!
*Lihaja Allah Ke Liye Deen Ke Mu’amlo Me Hume Aise Amal Se Bachna Chahiye Jo Na Shareeyat Se Sabit Hai Aur Naa Hi Sahaba Ki Zindagi Me Kabhi Paya Gaya Ho ,…
= = = = = = = = =
# Biddato Ke Aqsaam ?
Ab Biddat Karne Walo Ne Badey Acche Tareeke Ikhteyar Kiye,.. Aur Deen Me Biddat Ke Aksam Bana Diye ,..
Ke Biddat 2 Kismo Ki Hoti Hai … Ek “Biddate Hasna” Aur Dusuri “Biddate Sayya” ,.
1) Biddate Hasna – Yaani Achi Biddat ,.. Aur
2) Biddate Sayya – Yaani Buri Biddat ,.. (Subhan’Allah!!)
*Sawaal Tou Ye Hai Ke Rasool’Allah ﷺ Ne Tou Apne Kayi Khutbey Me Yahi Farmaya Ke – “Kullu Biddatun Zalala” Yaani Deen Me Tamam Ki Tamam Biddate Gumrahi Hai ,..
Tou Batayiye Hume Ke – “Kaha-Kaha Biddate Hasna Gumraahi Nahi Hai ? ..”
Kullu Me Sab Aa Gaya ,.. Mukammil Taur Se Deen me Biddate Gumraahi Hai,..
Ab Jo Log Fark Karte Hai Biddate Sayya Aur Biddate Hasna! Unki Misaal Aisi Hai – Jaise Ki Koi Kahe – “Kadwa Karela Aur Mitha Karela,..”
Subhan’Allah!! ,… Karela Keh Diya Tou Samajh Jayiye Ke Kadwa Hi Hoga,.. Mitha Nahi Ho Sakta ,..
Biddat-Biddat Hoti Hai Mere Bhaiyo Aur Behno! Isko Hasna Aur Sayya Kehkar Apne Aamal Ko Gaarat Na Karey ,…
» Mehfum-e-Hadees: Maayi Ayesha (Razi’Allahu Anha) Riwayat Karti Hai Ki – Rasool’Allah ﷺ Ne Farmaya –
“Jisne Koi Aisa Amal Kiya Iss Deen Me Jo Humne Na Kiya Ho Wo Radd Kiya Jayega,.. Wo Mardud Hai.”
- (Sahih Muslim)
» Mehfum-e-Hadees: Isi Tarha Maayi Aayesha (Razi’Allahu Anha) Aagey Farmati Hai –
“Jisne Humare Iss Deen Me Koi Nayi Cheez Ijad Ki Jo Humne Na Ki Thi ,.. Wo Mardud Hai, Wo Dhutkar Diya Jayega”
- (Sahi Muslim)
# Rasool’Allah ﷺ Ki Aakhri Wasiyat –
» Mehfum-e-Hadees: Rasool’Allah ﷺ Ne Ek Roz Khutba Diya ,…
EK Sahabi-e-Rasool Arbaz Bin Sariyaah (Razi’Allahu Anhu) Uthey Aur Kahne Lage Ke –
“Ya Rasool’Allah!ﷺ ! Mujhe Darr Hai, Mujhe Aisa Gumaan Hai Ke Kahi Ye Aapka Aakhri Khutba Tou Nahi ??
Lihaja Kuch Nasihat Aur Wasiyat Kar Jayiye Hume,.. (Goya Iss Khutbe Ki Baat Ek Wasiyat Hai Nabi Ki Taraf Se Apni Ummat Ko,.. Agar Isko Samajh Gaye Tou Hum Kamiyabi Ho Gaye..)
*Tou Rasool’Allah ﷺ Ne Farmaya Aur Kaha:
**Fa-Inna Khairal Hadeesi Kitabullahi ! *(Sabse Behtareen Baat! Allah Ke Kitaab Ki Baat Hai ,..)
**Wa Khairal Hadyi-Hadyu Muhammadin ﷺ ! *(Sabse Behtareen Tareeka ! Tareeka-e-Mohammad ﷺ Ka Hai ,…)
**Wa-Shar-Ral Umoori Muh-Dasaa-Tuha ! *(Sabse Badtareen Kaam “Deen Me Ijad Karda Cheeze Hai”!!!!)
**Wa-Kul-La-Muh-Da-Satin Bidah ! *(Aur Har Ijad Karda Cheez Biddat Hai ,.. )
**Wa-Kul-Lu Bid-Atun Zalala ! *(Aur Har Biddat Gumrahi Hai ,…)
**Wa-Kul-Lu Zala-La-Tin Fin-Naar *(Aur Har Gumrahi Ka Thikana Jahannum Ki Aag Hai ,..)
- (Abu Dawood, Tirmizi)
– (Sunan Ibn Majah, Vol-1, Hadees-43)
– (Bukhari: 3197, Muslim: 4822, Ahmad: 11372)
– (Tirmidhi: 2565, Hakim Mustadrak, 1:218) – @[156344474474186:]
Ye Khutba Rasool’Allah ﷺ Ne Diya Aur Fir Aage Farmaya ,.. (Abu Dawood Ki Riwayat Me Alfaz Jyada Hai )
Aagey Aap ﷺ Ne Farmaya:
**Tarakhtu-Feekun-Amrain *(Mai Tum’me 2 Hukm Chorey Ja Raha Hu ,… )
**Lanta-jillu-Ma-Tamassak-Tumbi-hima *(Tum Hargiz Gumraah Na Honge Jab Tak Inhe Thamey Rahoge)
**Kitabullahi-Wa-Sunnatihi *(Allah Ki Kitab Aur Meri Sunnat)
Ye Rasool’Allah ﷺ Ki Wasiyat Thi Aapki Ummat Ke Liye,..
Uss Sahabi Ka Darr Yahi Tha Ke Aapke Jaaney Ke Baad Wahi Ka Silsila Band Ho Jayega !
Fir Koun Hume Batayega Ke Sahi Kya Hai Aur Galat Kya ,..
Tou Keh Diya Rasool’Allah ﷺ Ne – “Ke Mai Tum Me 2 Hukm Chorey Ja Raha Hu Aur Wo Hai Allah Ki Kitab Aur Uske Rasool Ki Sunnat ,.. Bus Tum Jabtak Inhe Thamey Rahoge Tabtak Thokar Na Khaoge ,..”
Iske Aagey Bhi Aap ﷺ Ne Farmaya Aur Kaha –
**“Wa Sunnati Khulfaye Rashideen Wa Mehdiyeen” *(Yaani Khulafaye Rasheedeen Aur Mehdiyeen Ki Sunnat Par Jab Tak Rahoge Tab Tak Tum Gumraah Nahi Honge,..)
Tou Rasool’Allah ﷺ Ne Ummat Ko Jo Aakhri Wasiyat Aur Nasihat Ki Wo Biddat Ke Talluk Se Ki,..
Ke – “Biddat Mat Karna Mere Iss Deen Me,…”
Insha’Allah! Agley Part me Hum Hazrate Umar Bin Khattab (Razi’Allahu Anhu) Par Lagaye Hue Biddat Ke Ilzam Ki Galatfehmiyo Ka Ijala Karne Ki Koshish Karenge ..
To Be Continue …