Quran ki Fazilat: Part 1

☆  Quran ki Fazilat: Part -1

(“Bismillah-Hirrahman-Nirrahim: Allah Ke Naam Se Shuru Jo Nihayat Maherbaan Aur Rahem Wala Hai”)
*Hum Sab Jantey Hai Ke Koi Bhi Ek Musalman Chahe Imaan Ke Aitbaar Se Jis Bhi Darje Ka Ho, Har Shakhs Ke Nazdik Iss Kitab Ki Badi Ahmiyat Hai,..
*Ye Kitaab Badi Mohataram Aur Mukaddas Hai,.. Aur Tamam Ke Tamam Iski Fazilate Aur Barkaat Kamobesh Jantey Hai…
*Lekin Fir Bhi Dekha Jata Hai Ke Wo Kitab Jiske Fazail, Barkaat Itney Saare Hum Jantey Hai Uske Bawajud Bhi Iss Kitab Se Jo Beragbati Hai, Jo Doori Hai, Ya Iske Ilm Ki Jo Kami Hai, Ya Mu’ashre Me Jo Ispar Amal Na Karne Ka Jo Rawaiya Hai Ye Dekhkar Lagta Hai Ke Fazail Ek Taraf Reh Gaye Aur Logon Ne Fir Usko Ahmiyat Hi Na Di,..
*Ya Fir Fazail Ko Suna Tou Sahi, Lafazan Le Liya Aur Baaki Uska Mana (Meaning) Aur Uspar Amal Chorr Diya,..
*Tou Beharhaal Iss Kitab Ki Kya Fazilate Hai Insha’Allah-ul-Azeez !! Chand Baatey Uske Talluk Se Iss Unwan Me Hum Parts Ki Shakl Me Rakhne Ki Koshish Karenge ..  

•» Quraan Wo Ilhaami Kitab Hai Jo Tamam Kitabo Me Sabse Jyada Izzat Sharf Rakhti Hai ,.. Allah Ne Kayi Kitabe Nazil Ki Hai, Lekin Unn Tamam Kitabo Me Jo Sabse Jayda Izzat Aur Sharf Waali Kitab Hai Wo “Quraane Majid” Hai …
•» Quraan Khairo Barkat Se Malamal Kitab Hai ,… Isko Jisne Parha Usko Khair Hasil Hua,.. Jisne Isspar Amal Kiya Usko Khair Haasil Hua,.. Aur Usney Apni Dunia Aur Aakhirat Sawar Di ,…
•» Isi Tarha Quraane Majid Hidayat Aur Hikmat Wali Kitab Hai.. Jo Logon Ko Gumraahiyo Se Bahar Nikaalti Hai,.. Logon Ko Hikmat Sikhati Hai… Unhe Duniya Me Jiney Ka Tareeka Sikhati Hai,..
•» Isi Tarha Yeh Shak Aur Shubey Se Paak Kitab Hai,,.. Yaani Ismey Kisi Kism Ka Shak Aur Shuba Nahi Hai ,.. Jiski Gawahi Khud Rabbul Izzat Ne Dusrey Hi Surah Ke Andar De Di “Zalikal Kitab Ul Rawaifi” (Al-Quran 2:2) Yaani Iss Kitab Ke Andar Koi Shak Aur Shuba Nahi Hai,..
•» Isi Tarha Haq Aur Baatil Me Fark Karne Wali Kitab Hai Quaane Majid.. Ye Sach Aur Jhuth, Sahi Aur Galat , Halaal Aur Haraam Me Farq Karti Hai… Isiliye Iss Kitab Ka Ek Naam Furqaan Bhi Hai,.. Yaani Farq Karne Wali Kitab ,…
•» Jis Qoum Ne, Jin Logon Ne Isko Thama Jahalat Ke Andhere Unse Hatt Gaye Aur Imaan Ke Noor Se Unki Zindagiya Munawwar Ho Gayi.

♥ Quraan-e-Kareem Banino Insaniyat Ke Liye Ye Sabse Badi Aur Sabse Azeem Neymat Hai ,.. Iski EK Sabse Badi Fazilat Yeh Bhi Hai Ke –
“Jis Raat Ye Kitab Nazil Hui Uss Raat Ki Ibadat Ko Allah Rabbul Izzat Ne Hazaar(1000) Raato Ki Ibadat Se Afzal Karar Diya,.. ”
» Jiski Gawahi Rabbul Izzat Ne Apni Kitab Me Surah-tul-Qadr (97) Ayat 1 se 3 Me Di Aur Farmaya –
• Tarjuma: Ke Humne Iss Quraan Ko Qadr Aur Manjilat Waali Raat Me Utaara, Aye Musalmano Kya Cheez Hai Ke Tumhe Bataye Lailatul Qadr Kya Hai ?? Ke Lailatul Qadr Hazaar Mahino Se Jyada Afzal Hai.. (Hazar Mahine Yaani 83 Saal Aur 4 Mahine) ..
*Tou Andaza Lagayiye Ke Jiss Kitaab Ke Nazil Hone Ka Ye Sabab Ho Ke Jis Raat Ye Utari Jaye Agar Uss Raat Ki Ibadat Ka Ye Sawab Hai Tou Iss Kitab Ki Fazilate Kya Ho Sakti Hai Bus Andaza Hi Lagaya Ja Sakta Hai.. Sirf Gumaan Hi Kiya Ja Sakta Hai.. – @[156344474474186:]
* Aur Yeh Shabe Qadr Ki Raat Hum Sab Jaantey Hai Ke Ramzan Ke Aakhri Ashre Ki Taaq Raato Me Se Koi Ek Raat Hoti Hai. Yaani 21, 23, 25, 27 Ya 29…
* Iss Kitab Ke Talluk Se Aahadees Me Itni Beshumar Fazilate Aayi Hai Ke Tamam Fazilato Ko Bayan Karna Humare Liye Mushkil Hai…
Aayiye Chand Aahadees Ke Hawalo Se Iss Kitab Ki Fazilat Ko Jan’ne Ki Koshish Karte Hai…
1). Hadees: Rasool’Allah (Sallallahu Alaihay Wasallam) Ne Farmaya Ke – “Tum Me Behtareen Log Wo Hai , Jo Quraan Sikhey Aur Dusro Ko Sikhaye” – (Sahih Bukhari H-545)
2). Hadees: Aap (Sallallahu Alaihay Wasallam) Farmatey Hai – “Quraan Sikhne Ke Liye Jo Shakhs Ghar Se Nikalta Hai , Allah Rabbul Izzat Uske Liye Jannat Ka Rasta Aasan Kar Deta Hai ,.” – (Sahih Muslim)
3). Hadees: Aap (Sallallahu Alaihay Wasallam) Farmatey Hai Ke – “Quraan Padhney-Padhaney Waale Allah Waale Hai,. Aur Ye Allah Ke Chahitey Bandey Hotey Hai,.” – (Sunan Ibne Maja)
4). Hadees: Aap (Sallallahu Alaihay Wasallam) Farmatey Hai Ke – “Quraan Ko Baqasarat Tialawat Karne Wala Kabile-Rashk Hai” – (Sahih Bukhari)
5). Hadees: Aap (Sallallahu Alaihay Wasallam) Farmatey Hai Ke – “Quraan Ki Baqasarat Tilawat Karne Wala Qayamat Ke Roz Mukarrab (Khaas) Farishto Ke Saat Saff Me Khada Hoga,..” – (Sahih Muslim)
6). Hadees: Aap (Sallallahu Alaihay Wasallam) Farmatey Hai Ke – “Quraan Ke Padhney-Padhaaney Walo Par Allah Taala Sakinat Nazil Farmata Hai..(Sukun Aur Itminan Nazil Karta Hai),.. Farishtey Inki Majliso Ko Ahtraam Se Gher Letey Hai,.. Aur Allah Ta’ala In Logon Ka Zikr Faqr Ke Taur Par Farishto Ke Samney Karta Hai…” – (Sahih Muslim)
7). Hadees: Aap (Sallallahu Alaihay Wasallam) Farmatey Hai Ke – “Quraan Ka Ek Sira Allah Ke Haath Me Hai Aur Dusra Sira Ahle Imaan Ke Hath Me Hai,..Bus Jo Isey Thamey Rakhega Duniya Me Gumraah Nahi Ho Sakega Aur Aakhirat Me Halaq Nahi Hoga,..” – (Tibrani)
8). Hadees: Aap(Sallallahu Alaihay Wasallam) Farmatey Hai Ke – “Quran Ki Tilawat Karne Wale Ko Har Harf Ke Tilawat Par 10-10 Nekiya Milti Hai,..” – (Jame Tirmiji)
*Iss Unwan Me Quraan Ke Fazail Ke Taaluk Se Hum Chand Ahem Fazilate Aapke Samne Rakhne Ki Koshih Karenge Jo Duniya Ki Zindagi, Qabr Ki Zindagi Aur Aakhirat Me Fayde Ka Bayis Hongi,..
*Aur Isko Chorrne Se Duniya Me Kya Nuqsan Hoga ? Qabr Me Kya Nuksan Hoga? ,. Aur Aakhirat Me Kya Nuksan Hoga ? ,.. Wo Badi Badi Fazail Insha’Allah-Ul-Azeez!! Allah Ki Kitab Aur Rasool’Allah (Sallallahu Alaihay Wasallam) Ki Sunnat Ke Hawale Se Aapke Samne Rakhne Ki Hum Koshish Karenge,…
» FAZAIL 1: QURAAN KITABE HIDAYAT HAI –
Sabse Pahli Baat Ke Quraan Kitabe Hidayat Hai! Jo Gumraahi Se Logon Ko Nikalti Hai Aur Sidhey Rastey Par Le Aati Hai,..
Kyun Ke Nabi-e-Karam (Sallallahu Alaihay Wasallam) Jab Aaye Aur Apni Qoum Ko Jo Dawat Di Sabse Pahle Unko Gumraahiyo Se Nikaala Aur Hidayat Ki Taraf Bulaya,..
*Tou Quraan Kitabe Hidayat Hai ,.. Ye Iska Buniyadi Maksad Hai Ke Banino Insano Ko Hidayat Ki Taraf Bulaye,.. Inhe Sirate Mustakim Bataye Aur Uspar Chalaye,..
*Tou Quraan Kitabe Hidayat Hai Yaad Rakhiye Aur Iska Padhne Wala Siway Hidayat Ke Aur Kuch Nahi Haasil Karta ,…
*Iske Radd (Khilaaf) Me Baaz Log Kahte Hai Ke “Quraan Ke Padhney Se Gumraahi Aati Hai” Insha’Allah Hum Aakhir Me Iss Bewakufana Baat Ke Talluk Se Wo Shako Shubhat Aapke Samne Rakhne Ki Jarur Koshish Karenge ,..
# Quraan Ke Kitabe Hidayat Hone Ke Talluk Se Allah Rabbul Izzat Farmata Hai –
♥ Al-Quran: “Aye Nabi (Sallallahu Alaihay Wasallam) Aapke Paas Aapke Rab Ki Taraf Se Ek Khuli Daleel Aur Nishani Aa Chuki Aur Hidayat Aa Chuki Hai Aur Rehmat Aa Chuki Hai,..” – [Surah(6) Al-Anaam: Ayat:157] – @[156344474474186:]
Isi Tarha Ek Ayat Me Allah Farmata Hai-
♥ Al-Quran: “Ye Quraan Tou Aye Nabi Hidayat Hai Momineen Ke Liye” – [Surah (27) Nahal: Ayat:77]
*…..Tou Quraan Insan Ko Haq Ki Taraf Bulata Hai,. Aur Iski Misale Angeenat Aahadees Me Milti Hai ..
Ke Kis Tarha Se Sahaba (Razi’Allahu Anhu) Ne Quraan Suna Aur Mutaseer Hue, Imaan Laye Aur Unki Zindgiya Jo Jahalat Me Thi, Gumraahi Me Thi Wo Kaisi Tabdil Hui Aur Iss Kitaab Ko Jab Apni Zindagi Me Le Liya Tou Kaise Duniya Ko In Logon Ne Badal Diya, Tabdil Kar Diya ,..
*…..Sahaba (RaziAllahu Anhu) Jo Registan me Bakariya Aur Unth Charatey They ,.. Lekin Jab Inhi Logon Ne Quraan Ko Thama Tou Aaj Ye Roshni Ke Minaar Ban Gaye ,.. Ye Sirat-e-Mustaqeem Par Meenar Jaise Kaam Karte Hai ,.. Logon Ke Liye Inki Zindagiya Hidayat Aur Namoona Ban Gayi ,..
*Warna Inhe Koun Pehchanta ?? Aise Hazaro Qoume Aur Nasle Aayi Aur Nesto-Nabood Bhi Ho Gayi,.. Aaj Koi Unka Naam Nahi Leta Hai ,..
*Lekin Ye Quraan Tha Jisne Unn Sahaba Ki Zindagi Me Tabdili Laayi Aur Inhe Aisa Badla Ke Rehti Duniya Tak Inka Naam Liya Jayega,. Iss Kitab Me Ye Taqat Hai.
Allah Ka Qalaam Quraan-e-Majid Ko Thaam Kar Log Kis Tarha Se Hidayat Yafta Hue Aayiye Chand Wakiyat Ke Jarye Gour Karte Hai,..
» Wakiya-1 : Tufail Bin Umro! Ye Yaman Ke “Kabile-Dous” Ke Sardar They! Aur Bohot Badey Shayar They,.. Ek Martba Makka Tijarat Ke Silsiley Aana Hua ,.. Jaise Hi Makka Pohochey , Logon Ne Kaha Ke Humare Shehar Me Ek Bohot Bada Fitna Macha Hai ,.. Ek Shakhs Hai Jiska Naam Mohammad Bin Abdullah Hai,.. (Sallallahu Alaihay Wasallam) …
Jab Bhi Unhey Dekhna Kaano Me Ungliya Daalna Aur Bhaag Jana,..
Unki Baat Na Sun’na ! Unki Baat Sunoge Tou Tum Gumraah Ho Jaogey,…
• *Tufail Bin Umro Kehtey Hai Ke – “Mai Allah Ke Rasool (Sallallahu Alaihay Wasallam) Ko Jab Bhi Dekhta Door Bhag Jata ,.. Agar Bazar Me Wo Ek Taraf Se Aatey Tou Mai Dusri Taraf Se Nikal Jata,..
*Aur Kabhi Aisa Hota Ke Kareeb Aajatey Tou Maine Ruyi Apne Paas Rakhi Thi,. Wo Apne Kaano Me Daalta,.. Ke Kahi Ye Mohammad (Sallallahu Alaihay Wasallam) Koi Baat Na Keh Dey Aur Mai Gumraah Na Ho Jau ,..
• *Wo Kehtey Hai Ke Aisa Mai Bohot Dino Tak Karta Raha ,.. Uske Baad Ek Martba Unhone Socha Ke – “Mai Ek Shayar Hu,.. Mai Logon Ke Qalaam Jaanta Hu,.. Mai Qaahino Ke Qalaam Jaanta Hu,.. Mai Majnoon Ke Qalaam Bhi Jaanta Hu,… Mai Jadugaro Ke Bhi Qalaam Ko Jaanta Hu ,.. Fir Mohammad (Sallallahu Alaihay Wasallam) Ke Paas Aisa Kya Hoga Jo Mai Sun Kar Gumraah Ho Jaunga,.. ”
• Ye Sochkar Thodisi Aqal Ne Unka Sath Diya Qoum Ki Behkaawe Se Nikal Kar Rasool’Allah (Sallallahu Alaihay Wasallam) Ke Paas Pohochey Aur Kaha Ke – “Aye Mohammad (Sallallahu Alaihay Wasallam) ! Logon Ne Aapke Baarey Me Mujhe Aisa Aisa Aur Aisa Bataya Hai,.. Aur Mai Ab Tak Aapsey Bhagta Raha ,..
*Lekin Aisa Kya Qalaam Hai Aapke Paas Jisko Sunakar Aap Logon Ko Behkaate Ho ? Jara Mujhe Bhi Sunao….”
• Aap (Sallallahu Alaihay Wasallam) Ne Kaha Ke – “Kya Tum Apna Qalaam Pahle Sunaoge Ya Mujhse Kuch Sunoge”???
Tou Kaha Ke – “Mai Kuch Sunaana Chahta Hu”
• Unhone Khub Shayari Ki,.. Aap (Sallallahu Alaihay Wasallam) Suntey Rahe Aur Uskey Baad Kaha Ke – “Kya Mai Apna Qlaam Sunau?”
• Tou Kaha Ke: “Ha Ab Aap Apna Qalaam Pesh Kijiye,..”
• Tou Aap (Sallallahu Alaihay Wasallam) Ne “Surah Ikhlas , Surah Falaq Aur Surah Naas” Sirf Ye 3 Chotey Chotey Surah Tilawat Kiye ,..
*Ye Tino Surah Suntey Hi Tufail Bin Umro Pareshan Ho Gaye ,.. Hosh Udd Gaye Inke ,..
Ke – “Ye Kya Qalaam Hai ??? ”
Mai Khud Shayar Hu ,.. Mai Janta Hu Ke Koi Insan Aisa Qalaam Nahi Likh Sakta ,..
Itne Kum Lafzo Me Itni Gehrayi, Itna Mana Khaiz ,… Is Tarha Ka Qalaam Koi Insan Nahi Likh Sakta ,..”
• Wo Kehtey Hai Ke – “Mai Usi Roz Nabi-e-Karam (Sallallahu Alaihay Wasallam) Par Imaan La Liya ,.. ”
Ref – “Companions of The Prophet”, Vol. 1, By: Abdul Wahid Hamid.” – @[156344474474186:]
* * * *
• Is Wakiye Me Gour Karne Waali Baat Hai Ke – “Gumraah Nahi Hue Wo Quraan Sun Kar ,..
Zindagi Barbad Nahi Hui Unki ,.. Kisi Gumraah Firqe Me Shumar Nahi Hue,.. Balki Haq Ki Taraf Aa Gaye Fouran Suntey Hi,…. ”
• Insha’Allah !! Agley Part Me Hum Unn Chand Sahaba Ka Zikr Karenge Jinke Quraan Se Mutaaseer Ho Kar Imaan Laaney Ki Dastaan Aaj Bhi Kaabile Gour Hai Tamam Banino Insaniyat Ke Liye ,.. 

To Be Continue …