Quran ki Fazilat: Part -2

☆  Quran ki Fazilat: Part -2

» Wakiya-2: Jam’ad Asadi (Razi’Allahu Anhu) ,.. Ye Nabi-e-Kareem (Sallallahu Alaihay Wasallam) Ke Aialan-e-Naboowat Se Pahle Ke Ek Dost They ,..
*Hua Youn Ke Jab Aap (Sallallahu Alaihay Wasallam) Ne Islam Ki Dawat Di Fir Kaafi Arse Baad Inke Mulaqaat Hui,.. Yaani Pahle Dosti Thi Fir Jab Naboowat Ka Ailaan Kiya Rasool’Allah (Sallallahu Alaihay Wasallam) Ne Tou Unko Pata Nahi Chala ,..
*Uske Baad Jab Wo Ek Baar Makka Aaye Tou Logon Ne Bataya Ke Tumhara Dost Mohammad (Sallallahu Alaihay Wasallam) Tou Gumraah Ho Gaya ,.. Apne Baap-Dada Ke Deen Se Fir Gaya ,.. Majnoon Ho Gaya Hai ,.. (Maz’Allah) !!
*Jam’ad Asadi (Razi’Allahu Anhu) Doure Jahalat Me Jhaad-Foonk Ka Kaam Karte They ,.. Logon Ka Ilaaj Karte They Jo Majnoon Ho Jatey They,…
*Ye Kaafi Din Tak Rasool’Allah (Sallallahu Alaihay Wasallam) Se Nahi Miley,.. Ke Kahi Mai Bhi Na Gumraah Ho Jau Insey Milkar ,.. Log Wakay Me Itna Darr Rahe Hai Tou Kuch Na Kuch Tou Baat Hogi….
• Ek Martba Socha Ke Mai Khud Ek Qaheen Hu,… Mai Khud Jhaad Foonk Karta Hu ,.. Mujhe Kya Koi Behkayega????
*Ho Sakta Hai Ke Mohammad (Sallallahu Alaihay Wasallam) Par Koi Jinn Sawar Hua Hoga,.. (Nauzubillah)!!
*Tou Mai Aisa Karta Hu Ke Ek Baar Ja Kar Inka Ilaaj Kar Deta Hu,. Aur Ilaaj Jab Kar Dunga Tou Mera Naam Bohot Mashhoor Ho Jayega,.. Ki Maine “Mohammad Bin Abdullah” Ka Ilaj Kiya ,.. (Sallallahu Alaihay Wasallam)
• Yaani Abu Talib Ke Baad Rasool’Allah (Sallallahu Alaihay Wasallam) Hii Quraish Ke Wali-Ahad Honey Wale They, Tou Maine Quraish Ke Wali-Ahed Ka Ilaaj Kiya Ye Baat Mashhoor Ho Jayegi,….
*Iss Niyat Se Ek Din Gaye Aur Kaha – “Aye Mohammad (Sallallahu Alaihay Wasallam) ! Agar Aap Majnoon Ho Gaye Honge ,.. Aap Par Koi Jinn Sawar Hua Hoga Tou Mai Utaar Deta Hu ,.. Lekin Ek Shart Par Ke Mera Naam Aap Baad Me Lena Ke Maine Aapka Ilaaj Kiya ,… ”
*Aap (Sallallahu Alaihay Wasallam) Ne Kaha Ke – “Tum Pahle Apna Qalaam Pesh Karoge Ya Mai Kar Du??”
*Unhone Kaha Ke – “Aap Hi Padhkar Sunaniye ,…”
*Nabi-e-Karam (Sallallahu Alaihay Wasallam) Ne Khudba-e-Haajat Shuru Kiya Aur Uske Baad Chand Aayate Hii Tilawat Ki Quraan Ki ,.. Ke Wo Itne Mutaseer Hue Aur Kaha Ke – “Ye Qaahin Ka Qalaam Nahi Ho Sakta ,.. Yakinan Ye Haq Baat Hai,.. Aur Usi Hakiki Rab Ka Qalaam Hai”
Aur Wahi Imaan Laye Allah Ke Rasool (Sallallahu Alaihay Wasallam) Par,….
Subhan’Allah … Iss Liye Kyunki Ye Kitabe Hidayat Hai ,…
Ref – “Companions of The Prophet” – @[156344474474186:]
» SABAQ: Iss Wakiye Me Gour karne Waali baat hai ke Logon Ki Suni-Sunayi Baato Par Aitmaad karne Ke Bawajud Unke Akal ne Unka Saath Diya Aur Logon ke Behkaawe se Bahar Nikal Kar Wo Sahabi Allah ke Rasool ke Paas Pohoche..
# Aur Aaj ka Muamla Tou Bilkul Mukhatlif Hai ..
*Chand Mafad-Parsto ne Keh Diya Ke Quraan Padhne se Gumraah ho Jaoge Isiliye Humare Kayi Nadaan Musalmano Ne Quraan se Doori Ikhtiyar kar Li ,..
*Usi Quraan Ko Kisi Ke Marne ke Baad Jahilana Aqeede se Bakhshwate hai Lekin Kabhi Zindagi me Usey Khol Kar Uskey Paigamaat Par Gour Nahi Karte ..
*Aakhirat me Bohot Sakth Mua’mla hoga Unn Logon ke Sath Jo Allah ki Hidayat ke Sath Aisa Sulooq Karte Hai …
» Wakiya-3: Umar Bin Khattab (Razi’Allahi Anhu) Ke Talluk Se Riwayto me Aata Hai Ke ,.
Aap Khud Imaan Laaney Ke Baad Farmatey Hai,.. Ke – “Pahli Baar Jo Imaan Ki Kuch Ronak Ya Chamak Mere Jehan Me Aayi Thi Wo Uss Wakt Ki Baat Hai Jab Mai Khamoshi Se Ek Martba Raat Ke Andhere Me Gaya Aur Nabi-e-Karam (Sallallahu Alaihay Wasallam) Ko Dekha ke Kaabe Ke Paas Khadey They Aur Namaz Padh Rahe They Aur Namaz Me Surah(69) Hakka Talawat Kar Rahe They,.. ”
*Jab Maine Wo Qalaam Suna Tou Maine Apne Aap se Kaha Ke – “Shayad Ye Koi Shayar Hai” ,….
Surah Hakka Ki Nabi-e-Karam Ne Wo Ayat Tilawat Ki Jisme Allah Ne Kaha Ke – “Ye Shayar Ka Qalam Nahi Hai ! Bohot Kum Tum Allah Ka Darr Rakhtey Ho”…
*Umar Bin Khattab (Razi’Allahu Anhu) Hairan Hogaye Aur Dil Hi Dil Me Kahne Lagey Ke – “Ye Baat Tou Maine Socha Aur Inhone Tou Apne Muuh Se Ada Kar Diya Qalaam ,…”
*Fir Aage Maine Socha Ke – “Ho Sakta Hai Ke Ye Qaahin Ho ! ,..Jabhi Tou Mere Dil Ki Baat Jaan Li..”
Fouran Uske Baad Ki Dusri Ayat Aap (Sallallahu Alaihay Wasallam) Ne Tilawat Ki – “Ke Ye Qaahin Ka Qalam Nahi Hai ! Bohot Kum Tum Nasihat Haasil Karte Ho,..”
*Aur Umar Bin Khattab Farmatey Hai Ke – “Wo Pahla Wakt Tha Jab Islam Ki Kuch Roshni Mere Jehan Me Aa Gayi Thi,.. Kuch Na Kuch Ek Dhakka Laga Tha Mujhe Wo Baat Sunkar ,.. Ke Na Ye Tou Qaahin Ka Qalam Hai Aur Naa Hi Shayar Ka,.. Aur Tab Mai Pahli Martba Nabi-e-Karam (Sallallahu Alaihay Wasallam) Se Thoda Mutasir Hua ,.” – @[156344474474186:]
* * * * *
Fir Hum Jantey Hai Ke Umar Bin Khataab (Razi’Allahu Anhu) Ko Allah Ta’ala Ne Basharf-e-Islam Kiya Rasool’Allah (Sallallahu Alaihay Wasallam) Ki Dua Aur Apne Behan Aur Behanoyi Ke Jarye,..
# Tou Yaad Rakhiye ,.. Iss Qalaam Me Ye Khususiyat Hai Ke Sakht Se Sakht Kism Ke Dushman Bhi Iss Qalam Se Mutaseer Ho Gaye ,…
# Afsos!! Ki Aaj Khud Humne Iss Qalaam Ki Ahmiyat Ko Nahi Samjha Aur kuch Mafad Parsto Ne Hume Samajhne Nahi Diya ..
» Wakiya-4: Aayiye Ek Aur Wakiye Par Gour Karte Hai ,..
Musabbir Bin Umair (Razi’Allahu Anhu) Jo Muballig-e-Rasool They,.. Jab Ansar Ne Aap (Sallallahu Alaihay Wasallam) Se Gujarish Ki – “Ke Aye Allah Ke Rasool (Sallallahu Alaihay Wasallam) ! Kuch Logon Ko Aap Humare Paas Bheje Taaki Hume Islam Sikhaye ,.. ”
*Rasool’Allah (Sallallahu Alaihay Wasallam) Ne “Musabbir Bin Umair (Razi’Allahu Anhu)” Ko Madina Bheja,.. Ye Jab Madina Gaye Aur Waha Dawat-e-Islam Dene Lagey Tou “Usaid Bin Hujair” Naam Ka Shakhs Waha Aaya Jo Apni Qoum Ka Sardaar Tha!
*Aur Aakar Kaha Ke – “Tum (Musabbir Bin Umair)! Tum Madine Me Fitna Macha Rahe Ho! Jaisa Tumhara Sathi Makke Me Fitna Macha Raha Hai ,.. Lihaja Agar Tumne Meri Qoum Se Baat Ki Tou Mai Bohot Bura Anzam Karunga Tumhara,..”
Tou Musabbir Bin Umar (Razi’Allahu Anhu) Ye Allah Ke Rasool Ke Shagird (Student) They ,.. Aap Hikmat Jantey They ,…
*Aap Ne Kaha Ke – “Acha Usaid Bin Hujair! Ek Kaam Karo, Aap Meri Baat Tou Sun Lo Pehle ,.. Agar Sahi Lagey Tou Man’na ,.. Na Lagey Tou Inkar Kar Dena,…”
*Usaid Ne Kaha Ke – “Baat Tou Bilkul Sahi Bol Rahe Ho Tum,.. Pasand Aayi Tou Maan Lunga Aur Na Aayi Tou Bohot Bura Haal Kar Dunga ,..’
♥ Musabbir Bin Umair Ne Unke Samne Quraan Tilawat Karna Shuru Kiya ,.. Jab Thoda Hi Quran Padha Tha Tou Usaid Bin Hujair Intney Mutaseer Hue Aur Kaha – “Subhan’Allah! Itna Pyara Qalaam ! Itni Jabardast Baat ,.. Yakinan Ye Insani Qalaam Nahi Ho Sakta ,.. Is Qalaam Par Mai Bhi Imaan Lata Hu ,…”
Iss Qalam Ko Mai Bhi Qabool Karta Hu ,.. Aur Sirf Kabool Hi Nahi Karta Balki Apni Qoum Ko Dawat Dunga,..
*Usaid Bin Hujair (Razi’Allahu Anhu) Waha Se Uthkar Apni Qoum Ki Taraf Gaye ,…
Aur Apni Qoum Se Ailan Kiya Ke – “Kya Mai Tumhara Sardar Nahi Hu?”
*Logo Ne Kaha Ke – “Ha! Aap Humare Sardar Ho”
*Aapne Kaha Ke – ‘Jis Cheez Ko Mai Yakin Karu ,.. Jis Par Mai Imaan Lau Kya Tum Imaan Nahi Laoge? Itni Jasarat Karoge? “
*Qoum Ne Kaha Ke – “Ha ! Jis Cheez Par Aap Imaan Laoge Uspar Hum Sab Bhi Imaan Layenge!”
*Tou Usaid Bin Hujair (Razi’Allahu Anhu) Ne Kaha Ke – “Fir Mai Imaan Laya Mohammad (Sallallahu Alaihay Wasallam) Par,.. Tou Tum Sab Bhi Imaan La Lo…”
* Aur Puri Qoum Ek Sath Basharfe Islam Hui… Ek Saath Pura Qabila Musalman Ban Gaya,.. – @[156344474474186:]
• Sawaal Tou Ye Hai Ke – Ye Sabse Jaahil Log They ,,.. Itni Buri Buri Rusumaat Karte Ke Jiski Koi Inteha Nahi ,..
Yaha Faras Tha Aur Waha Rumi Hukumat Thi ,.. Dono Hi Inpar Hukumrani Nahi Karna Chahti Thi Inki Jahalat Ki Vajah Se ,..
• Lekin Wohi Qoum Dekhiye Iss Qalam Ko Samjh Rahi Hai ,..
Fir Un Logon Ke Qoul Ka Kya Jo Kahte Hai Ke Quraan Padhne Se Gumraahi Aati (Maz’Allah!)
*Jabki Yaha Tou Log Hidayat Ki Taraf Aa Rahe Hai Iss Qalam Ko Sun-Sun Kar.. Fir Chahe Baat Gujre Hue Kal Ki Ho Ya Aaj Ki..
♥ Iss Qalaam Me Ye Khususiyat Hai Yaad Rakhiye ,.. Ye Haq Qalaam Hai Isiliye Tou Log Iss Se Mutaseer Ho Rahe Hai ,..
Lekin Ha! Jinke Mafadat Adtey Hai Humari Hidayat Se Unko Tou Iss Se Chot Lagti Hai Ke Kaise Padh Letey Hai Log Quraan Ko….
» FAZAIL 2: QURAAN SHIFA HAI RUHANI AUR JISMANI:
• Nafsiyati Bimari Ka Ilaaj :
Allah Rabbul Izzat Farmata Hai –
“Aey Logo! Tumhare Pass Tumhare Rab Ki Taraf Se Ek Aisi Cheez Aayi Hai Jo Naseehat Hai Aur Dilo Me Jo Rog Hai Unn Ke Liye Shifa Hai Aur Rehnumaee Kerney Wali Hai Aur Rehmat Hai Eman Walon Ke Liye.” – [Surah Yunus (10) Ayat 57]
… Yaha Dilo Ke Bimariyon Se Muraad Hai – Qina, Hasad , Bugz, Takabbur, Dikhawa, Jhuth Ye Sab Jo Nafs Ke Shar Hotey Hai Iss Kitaab Ke Andar Inn Tamam Shar Ka Ilaaj Hai ,….
• Jismani Bimari Ka Ilaaj:
Aagey Allah Rabbul Izzat Farmata Hai –
“Quran Ko Humne Nazil Kiya Aur Iske Andar Aisi Aayate Hai Jo Insan Ke Liye (Jismani) Shifa Hai Aur Rehmat Hai Mominin Ke Liye,. Lekin Ye Kitaab Zalimo Ke Liye Khassare Ke Siwa Aur Kuch Nahi Hai ,..” – [Surah Bani Istrayeel (17) Ayat 82]
… Yaani Jo Apne Nafs Pe Zulm Kare Uske Liye Tou Isme Khassara Hi Hai ,..
*Tou Iss Kitab Me Jismani Shifa Bhi Hai Aur Ruhani Shifa Bhi Hai ,..
*Isi Tarha Aayiye Gour Karte Hai Ke Isme Kya-Kya Cheezo Ki Shifa Hai ,..
#1 – Ye Dilo Ke Amraz Ka Ilaaj Hai Yaad Rakhiye –
Har Kism Ki Nafsani Bimaari Ke Ilaaj Quran Me Hai Aur Na Sirf Balki Jismani Sukun Aur Itminan Bhi Quraan Me Milta Hai Aur Jiske Talluk Se Allah Rabbul Izzat Ne Farmaya –
“Allah Ke Zikr Me Hi Insan Ke Dil Itmninan Paatey Hai” – [Surah Radd (13) Ayat 28]
… Tou Agar Koi Shakhs Quraan Ki Tilawat Karey Tou Uska Dil Itminan Me Hota Hai,.. Aur Har Kism Ke Bimari Se Bach Jata Hai ,..
Aur Isi Baat Ko Rasool’Allah(Sallallahu Alaihay Wasallam) Ne Irshad Farmaya Aur Kaha:
*Mehfum-e-Hadees: “Quran Padhne Walo Par Allah Sakinat Naazil Karta Hai” – (Sahi Muslim)
*Aaj Takriban Insan Ko Jo Bimari Hoti Hai Uski Asal Vajah Besukuni Aur Beitminani Hi Hoti Hai,..
Aur Quran Ki Khususiyat Ye Hai Ke Ye Sukun Deta Hai, Dilo Ko Sukun Deta Hai,.. Jehan Ko Sukun Deta Hai, Balki Mominin Jab Quraan Padhtey Hai Tou Sakinat Nazil Hoti Hai…
#2 – Junoon Aur Mirgi Ke Marz Ilaaj Hai Quraan Me –
Sunan Abu Dawood Ki Riwayat Me Aata Hai Ke – Aap (Sallallahu Alaihay Wasallam) Farmatey Hai Ke –
“Junoon Aur Mirgi Ke Bimari Me Rozana Subha Aur Shaam 3-3 Martba Surah Fatiha Padhkar Insaan Apne Nafs Par Damm Karey,..” – (Sunan Abu Dawood) – @[156344474474186:]
#3 – Duao Ko Qabuliyat Tak Pohchata Hai Ye Qalaam:
**Mehfum-e-Hadees: Rasool’Allah (Sallallahu Alaihay Wasallam) Farmatey Hai Ke –
“Surah Tul Faitha Padhkar Jo Cheez Allah Se Talab Ki Jaaye Allah Taala Ata Fermata Hai,..” – (Sahi Muslim)
*Mehfum-e-Hadees: Ek Aur Riwayat Me Rasool’Allah (Sallallahu Alaihay Wasallam) Ne Farmaya –
“Surah Baqra Ki Aakhri 2 Aayate Jo Shakhs Padh Ley Aur Padhkar Allah Se Kuch Talab Karey! Allah Rabbul Izzat Usko Ata Farma Deta Hai,. – (Sahi Muslim)
Ab Bohot Se Martba Ek Sawal Mere Aur Aapke Jehan Me Aata Hai Ke – “Kya Wakay Me Aisa Karne Se Hume Fayda Hoga ?”
Jis Wakt Humne Ye Socha Uss Wakt Humko Fayda Nahi Dega Ye Qalaam ,.. Yahi Tou Khususiyat Hai Iss Qalaam Ki ,.. Ke Ispar Imaan Ho Tab Ye Apna Asar Dikhata Hai,…”
#4 – Nazar-e-Badd (Buri Nazar) Se Bachne Ka Ilaaj Bhi Hai Iske Andar,..
*Mehfum-e-Hadees: Abu Sayeed (Razi’allahu Anhu) Iss Hadees Ke Raawi Hai ,. Aap Farmatey Hai Ke –
Rasool’Allah (Sallallahu Alaihay Wasallam) Baaz Dua Ke Jarye Jinnaat Aur Shayateen Ke Shar Se Aur Nazare-Badd Se Allah Ki Panaah Maang Liya Karte They ,.. Lekin Jab Allah Ne Mauzatain (Surah Falak & Surah Naas) Naazil Kar Di Tou Rasool’Allah Ne Wo Tamam Dua’ye Chorr Di Aur Aap Ye 2 Duaye Hi Padha Karte They,.. – (Jamey Tirimizi)
…. Tou Pata Chala Ke Ye Nazare-Badd Ka Ilaaj Hai, . Jinnat Aur Shayateen Ke Fitno Se Bachne Ka Bhi Ilaaj Hai,.. Goya Insaan Isko Padh Le Tou Wo Allah Ki Hifazat Me Chala Jata Hai,..
*Mehfum-e-Hadees: Isi Tarha Ek Aur Riwayat Me Aata Hai Ke, Rasool’Allah (Sallallahu Alaihay Wasallam) Ne Farmaya Ke –
“Allah Ki Panaah Mangney Ki Dua’o Me Sabse Behtar Dua Mauzatain (Surah Falak & Surah Naas) Hai” – (Sunnan Abu Dawood)
… Tou Andaza Lagaiye Jis Kitaab Ki Pahli Surat Aur Aakhri Ki 2 Surat Ke Hi Itney Fazail Hai Tou Mai Samjhta Hu Bich Ka Tou Pura Baaki Hai Abhi !..
*Tou Ye Agar Inn Pehli Aur Aakhri Surato Ki Ye Fazilat Hai Tou Andaza Lagayiye Ke Jab Ye Khulega Aur Shuru Hoga Surah Baqrah Se Aagey Tou Kya-Kya Faydey Jo Ho Sakta Hai Ke Hum Kabhi Jaaney Aur Kabhi Na Bhi Jaane Ke Kya Hotey Honge,…
*Aaj Iski Doori Ka Natija: Jehni Mariz, Jismani Mariz, Pareshaniya Aur Hamaaqsaam Ki Musibato Me Hum Mulawwis Hai Kyunki Humne Iss Kitab Ko Chorr Diya… Aur Ispe Wo Imaan Nahi Rakha Jaisa Iska Haq Hai..
#5 – Shaitaani Waswaso Ka Bhi Ismey Ilaaj Hai :
*Mehfum-e-Hadees: Rasool’Allah (Sallallahu Alaihay Wasallam) Ne Farmaya:
“Jisko Shaitani Wasawis Aatey Hai Wo Aayatul Khursi Tilawat Kar Ley,.” – (Sahi Bukhari)
*Mehfum-e-Hadees: Ek Aur Riwayat Me Aap Salallah Alahi Wasallam Farmatey Hai –
“Moajatain Padhkar Apne Nafs Par Dam Karo ! Iss Se Shaitan Se Hifazat Hoti Hai,..” – (Jamey Tirimizi)
# Insha’Allah-Ul-Azeez!! Allah Ta’ala Hume Quraan-e-Kareem Ko Padhne Aur Uspar Samjhne Taufiq Dey!!

To Be Continue ….