Sunnat Ki Ahamiyat 005
☆ Sunnat Ki Ahmiyat :
# Rasool’Allah Ki Mukhalifat Karne Waley Koun ???
Ek Aayat Me Allah Rabbul Izzat Fermata Hai:
♥ Al-Quran: Aye Nabi (Sallallahu Alaihay Wasallam)! Agar Ye Log Aapki Baat Na Maney! Tou Allah Aise Kaafiro Se Mohabbat Hi Nahi Karta. -[Surah (3) Imran : Ayat-32] – @[156344474474186:]
* Gour Karna Chahiye Hume, Ke Jo Shakhs Rasool’Allah (Sallallahu Alaihay Wasallam) Ki Baat Na Maney ,.. Aur Muuh Pher Ke Chaley Jaye Tou Allah Aise Kaafiro Se Mohabbat Hi Nahi Rakhta Hai.. Unhe Kaafir Kaha Allah Rabbul Izzat Ne…
Kufr Bhi Bohot Sangeen Jurm Hai.. Lekin Ek Jurm Iss Se Bhi Jyada Sangeen Hai Aur Uska Tazkeera Aaya Quraan Me Aur Allah Ne Unn Logon Ko Jo Allah Aur Uskey Rasool Ke Faisley Ke Baad Bhi Baat Na Maney Unhey “Munafiq” Kaha …
Aur Munafiqeen Ke Talluk Se Hum Jantey Hai Ke –
“Munafeeq Wo Hai Jo Jahannum Ke Sabse Nichley Gadhey Me Rahne Waley Hai” – [Al-Quran 4-145]
* Is’sey Jyada Hume Aur Kya Mill Sakta Hai Raool’Allah (Sallallahu Alaihay Wasallam) Ki Nafarmani Karke..
# Sunnat-e-Rasool Ke Munkeer Ka Duniya Me Hashr :
Ab Aayiye Ye Bhi Jaan Letey Hai Ke Raool’Allah (Sallallahu Alaihay Wasallam) Ki Sunnat Aur Ita-at Ko Chorrkar Hum Duniyawi Kya Nuqsaan Uthayenge?
Aayiye Chand Baatey Quraan Ki Roshni Me Aapke Samne Rakhne Ki Koshish Karta Hu ,..
♥ Al-Quran: “Keh Do Ke! Allah Aur Uskey Rasool Ki Ita-at Karo! Aur Apne Aamaal Ko Barbaad Na Karo..” – [Surah (47) Mohammad Aayat 33]
Yaani Allah Aur Uskey Rasool Ki Nafrmaani Karke Apne Amaal Ko Barbad Na Karo..
Isi Tarha Allah Rabbul Izzat Ek Aur Ayat Me Farmata Hai:
♥ Al-Quran: “Aye Wo Logon Jo Imaan Laye Ho! Gour Se Suno Ke Allah Aur Uskey Rasool Jis Taraf Tumhe Bulatey Hai Uss Taraf Jao, Jab Ki Allah Ke Rasool (Sallallahu Alaihay Wasallam) Uss Cheez Ki Taraf Tumhe Bulatey Hai Jo Tumhe Zindagi Deti Hai Duniya Aur Aakhirat Ki,..
Agar Tum Aisa Na Karoge Tou Jaan Lo Ke Allah Insan Aur Uskey Dil Ke Bich Me Aad Ban Jata Hai , Usko Hidayat Se Door Kar Deta Hai.. Aur Yaad Rakho Ke Palat Kar Allah Hi Ki Taraf Jana Hai Tum Sabko..” – [Surah (8) Anfal: Ayat 24]
Tou Agar Rasool’Allah Ki Ita’at Se Baarbaar Gurez Kiya Kisiney Tou Allah Haayal (Aad) Ho Jata Hai Insan Aur Uskey Dil Ke Bich Me Aur Usey Hidayat Ki Taraf Aaney Nahi Deta ,…
Iss Se Pehle Ke Ye Ho Jaye Sunnat Ko Chorr Chorr Kar Ke Hidayat Se Hum Door Ho Jaye Hume Jaruri Hai Ke Sunnat Ko Thaam Le Aur Laazim Samjhey…
# Sunnat-e-Rasool Ko Tark Karne Waley Ka Duniyawi Anjaam :
» Aayiye Aagey aur Kya Nuqsaan Hoga Duniyawi Aitbaar se Agar Sunnat-e-Rasool Ko Hum Chorr Dengey …
• Allah Rabbul Izzat Surah Anfal ki Ayat Number 46 me Farmata Hai:
♥ Al-Quran: Aye Wo Logon Jo Iman Laye Ho! Ita’at Karo Allah Ki Aur Ita’at Karo Uskey Rasool Ki ,.. Aur Aapas Me Ikhtelaf Paida Na Karna ! Agar Tum Aisa Karoge, Tou Tum Buzdil Bana Diye Jaoge, Aur Tumhara Iqbaal Jata Rahega ,.. Aur Sabr Se Kaam Lo ,.. Ke Allah Sabr Karne Walo Ke Sath Hai,.. – [Suraj (8) Ayat 46] – @[156344474474186:]
Tou Allah Duniya Me Buzdili Ata Kar Dega Aur Hawa Ko Ukhad Dega Humari ,.. Yaani Humara Dabdaba Aur Roub Khatm Kar Dega Duniya Se… Lihaja Sabr Karte Raho Ke Beshaq Allah Sabr Karne Walo Ke Sath..
Tou Ye Bhi Wo Nuqsaan Hai Jo Duniya Me Hoga ,…
* * * * *
• Ab Aayiye Gour Karte Hai Ke Aakhirat Me Kya Khassara Uthayenge Hum Sunnate Rasool Ko Chorrkar,..
# Sunnat-e-Rasool Ko Chorrne Ka Aakhirat Me Nuqsaan:
Allah Rabuul Izzat Quraan me Farmata Hai Unn Logon Ke Talluk Se Jo Allah aur Uskey Rasool Ki Ita’at Nahi Kartey ,..
♥Al-Quraan: Jo Allah Aur Uskey Rasool Ki Naframani Karey aur Unki Hado Ko Farlang Kar Jata Hai,.. Dakhil Kar Diya Jayega Jahannum Ki Aag Me,.. Usmey Rahega Humesha Humesha Ke Liye ,.. Aur Kya Hi Sakht Azaab Hai .. – [Surah (4) Nisa Ayat 13]
Tou Wo Log Jo Allah Aur Uskey Rasool Ki Baat Nahi Mantey ! Aakhirat Me Jahannum Me Jaaney Waley Hai,..
• Aayiye Rasool’Allah (Sallallahu Alaihay Wasallam) ki Ita’at Ke Talluk se Chand AaHadee Dekh Letey Hai,..
» Mehfum-e-Hadees: “Jisne Meri Sunnat se Mohabbat ki Usney Mujhse Mohabbat Ki, Aur Jisne Mujhse Mohabbat ki Wo Jannat me Mere Saath Hoga.” – (Mishkaat H#165)
Ye hai Sunnate Rasool!! Jannat me Jaaney ki Zaamin hai ye,…
• Aagey Rasool’Allah (Sallallahu Alaihay Wasallam) Farmatey hai:
» Mehfum-e-Hadees: Rasool’Allah (Sallallaho Alayhe Wasallam) Ne Farmaya –
“Meri Saari Ummat Jannat Me Chali Jayegi Siwaye Uskey Jisney Jannat Me Jaaney Se Inkaar Kar Diya”.
Sahabaon (RaziAllahu Anhu) Ne Pucha – “Aye Allah Ke Rasool! Jannat Me Jaaney Se Tou Koi Bad Bakht Hi Inkaar Karega”.
Aap (Sallallaho Alayhe Wasallam) Ne Farmaya – “Jisne Meri Ita’at Ki Wo Jannat Me Gaya Aur Jisne Meri Nafarmani Ki Usney Jannat Me Jaaney Se Inkaar Kar Diya”. – (Sahi Bhukhari, Kitaab Ahkam)
Tou Rasool’Allah (Sallallahu Alaihay Wasallam) Ki Sunnat ka Inkaar Kar ke Hum Duniya me Hii Jannat ka Inkaar Kar Dey Rahe Hai ,.. Ye Hai Rasool’Allah (Sallallahu Alaihay Wasallam) Ki Sunnat Ahmiyat ,…
Beharhaal Jo Baatey Hum Aapke Samne Sunnat Ki Ahmiyat Ke Taaluk Se Rakh Rahe Hai Usey Pura Karenge Ek Wakiye Se,.. Jo Rasool’Allah (Sallallahu Alaihay Wasallam) Ka Ek Mash’hoor Aur Maruf Wakiya Hai ,.. Aur Ismey Bhi Ita-ate Rasool (Sallallahu Alaihay Wasallam) Ke Talluk Se Baat Wajeh Hoti Hai…
» Mehfum-e-Hadees: Aap (Sallallahu Alaihay Wasallam) Ek Roz Sahaba-e-Kiram Ko Waaz Aur Nasihat Farma Rahe They Aur Umar Ibne Khattab (RaziAllahu Anhu) Ek Taraf Khadey Hokar Tauraat Ka Nuskha Lekar Usmey Se Kuch Padh Rahey They…
Yeh Dekh Kar Rasool’Allah (Sallallahu Alaihay Wasallam) Ka Chehra-e-Mubarak Laal Ho Gaya.
Abu Baqar Siddhiq (RaziAllahu Anhu) Ne Yeh Dekha Aur Kaha – ‘Aye Umar Kya Tum Dekh Nahi Rahe Ke Rasool’Allah (Sallallahu Alaihay Wasallam) Ka Chehra-e-Mubarak Kaisa Ho Gaya Hai Tumhare Iss Amal Par’ ..
Jab Aap Umar (RaziAllahu Anhu) Ne Dekha Tou Fauran Kaha – “Radheetu Billahi Rabba, Wa Bilislami Deena, Wa Bi Muhammadin Nabiya”
(Tarjuma: Mai Raazi Hu Ke Allah Mera Rabb Hai, Deen Mera Islam Hai Aur Mohammad (Sallallahu Alaihay Wasallam) Mere Nabi Hai.)
Aur Fir Rasool’Allah (Sallallahu Alaihay Wasallam) Ne Umar Ibne Khattab Ki Taraf Dekha Aur Kaha –
“Aye Umar! Agar Mere Hotey Hue, Musaa (Alaihay Salam) Bhi Aa Jaye, Tou Unko Meri Itteba Ke Siwa Aur Koi Chara Na Hoga! Aur Agar Mere Hotey Hue Tum Unki Baat Maano Tou Tum Gumraah Ho Jaoge” – (Bukhari Sharif) – @[156344474474186:]
* Andaza Lagaiye, Musaa (Alaihay Salam) Ke Talluk Se Baat Ho Rahi Hai, Jinke Talluk Se Khud Rasool’Allah (Sallallahu Alaihay Wasallam) Farmatey Hai Ke –
“Mere Aur Musaa Ke Bich Me Mu’azna(Comparison) Na Kiya Karo! Kyun Ke Qayamat Ke Roz! Jab Mai Behoshi Se Uthkar Khada Rahunga Tou Kya Dekhta Hu Ke Musaa Allah Ke Arsh Se Lag Kar Pahle Hi Khadey Hue Hai. Mai Nahi Janta Ke Wo Behosh Hue Ya Na Hue, Ya Mujhse Pahle Uthkar Khadey Ho Gaye”.
Yeh Hai Musaa (Alaihay Salam)! Aur Aap 5 Ulool Azm Paigmabro Se Ek Hai.
Aur Inhi Ke Talluk Se Rasool’Allah Farmatey Hai Ke – Meri Moujudgi Me Musaa Bhi Aa Jaye Tou Meri Itteba Ke Siwa Aur Koi Chara Na Hoga, Aur Tum Unki Itteba Karo Tou Tum Gumraah Ho Jaoge., .
Tou Jab Musaa (Alaihay Salam) Ki Itteba Rasool’Allah (Sallallahu Alaihay Wasallam) Ki Moujudi Me Karne Se Gumraahi Aati Hai ,..
Tou Andaza Lagayiye, Rasool’Allah Ko Chorrkar Jin Logon Ne Inko Aur Unko, Falah Aur Falah Ko Itteba Ke Layak Bana Liya Hai Unka Kya Hoga Sirf Tasawwur Hi Kiya Ja Sakta Hai..
Aur Fir Iske Baad Humara Ye Kehna Ke –
*Inki Aur Unki Baat, *Aisi Aur Waisi Baat,
* Bado Ki Aur Choto Ki Baat, * Ilaqe Aur Rangat Ki Baat
Yaad Rakhiye Ye Tou Bohot Hi Ghatiya Baat Hai !
Yakinan Musaa (Alaihay Salam) Jaisa Muqaam Iss Ummat Ke Kisi Bhi Shaksh Ka Nahi Ho Sakta..
*Puri Insaniyat Bhi Jama Ho Jaye, Tou Ek Nabi Ke Muqaam Tak Nahi Pohoch Sakti..
Tou Andaza Lagayiye Humne Tou Rasool’Allah (Sallallahu Alaihay Wasallam) Ko Chorrkar Pata Nahi Kin-Kin Ko Apna Sahara Bana Liya.. Kin-Kin Ke Tareeko Par Hum Chaltey Hai Aur Kya-Kya Amaal Humne Apni Zindagi Me Ijad Kar Liye Hai..
» Sabaq: Iss Aahdees-e-Mubarak Se Maloom Hua Ke Allah Ke Nazdeeq Kisi Shakhs Ka Imaan Kabile Kabool Nahi Jab Tak Ke Wo Rasool’Allah (Sallallahu Alaihay Wasallam) Ki Iteeba Na Karey..
* Aur Ab Jab RasoolAllah(Sallallahu Alaihay Wasallam) Ki Shariyat Allah Ne Tamam Aulaade Adam Par Farz Ki Hui Hai Tou Rasool’Allah Ko Chorrkar Kisi Aur Ke Tareeko Ko Tasleem Karna Bhi Gumraahi Hogi..
Lihaja Humey Chahiye Ke Shariyat Ka Sahi Ilm Hasil Kare, Uss Par Khud Bhi Amal Karey Aur Auro Ko Bhi Zamane Jahiliyat Ke Fitno Se Aagah Karne Ki Koshish Karey..
# InshaAllah-Ul-Azeez!!!
# Allah Ta’ala Humey Rasool’Allah (Sallallahu Alaihay Wasallam) Ki Sunnato Ka Muttabe Banaye,
# Rasool’Allah(Sallallahu Alaihay Wasallam) Ki Sacchi Mohabbat Hum’me Daaley…
# Unki Sunnato Ko Samjhna Aur Uspar Chalna Humare Liye Aasan Karey..
# Aur Humari Naslo Me Rasool’Allah Ki Sunnat Ko Baaki Rakhey..
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!
# Rasool’Allah Ki Mukhalifat Karne Waley Koun ???
Ek Aayat Me Allah Rabbul Izzat Fermata Hai:
♥ Al-Quran: Aye Nabi (Sallallahu Alaihay Wasallam)! Agar Ye Log Aapki Baat Na Maney! Tou Allah Aise Kaafiro Se Mohabbat Hi Nahi Karta. -[Surah (3) Imran : Ayat-32] – @[156344474474186:]
* Gour Karna Chahiye Hume, Ke Jo Shakhs Rasool’Allah (Sallallahu Alaihay Wasallam) Ki Baat Na Maney ,.. Aur Muuh Pher Ke Chaley Jaye Tou Allah Aise Kaafiro Se Mohabbat Hi Nahi Rakhta Hai.. Unhe Kaafir Kaha Allah Rabbul Izzat Ne…
Kufr Bhi Bohot Sangeen Jurm Hai.. Lekin Ek Jurm Iss Se Bhi Jyada Sangeen Hai Aur Uska Tazkeera Aaya Quraan Me Aur Allah Ne Unn Logon Ko Jo Allah Aur Uskey Rasool Ke Faisley Ke Baad Bhi Baat Na Maney Unhey “Munafiq” Kaha …
Aur Munafiqeen Ke Talluk Se Hum Jantey Hai Ke –
“Munafeeq Wo Hai Jo Jahannum Ke Sabse Nichley Gadhey Me Rahne Waley Hai” – [Al-Quran 4-145]
* Is’sey Jyada Hume Aur Kya Mill Sakta Hai Raool’Allah (Sallallahu Alaihay Wasallam) Ki Nafarmani Karke..
# Sunnat-e-Rasool Ke Munkeer Ka Duniya Me Hashr :
Ab Aayiye Ye Bhi Jaan Letey Hai Ke Raool’Allah (Sallallahu Alaihay Wasallam) Ki Sunnat Aur Ita-at Ko Chorrkar Hum Duniyawi Kya Nuqsaan Uthayenge?
Aayiye Chand Baatey Quraan Ki Roshni Me Aapke Samne Rakhne Ki Koshish Karta Hu ,..
♥ Al-Quran: “Keh Do Ke! Allah Aur Uskey Rasool Ki Ita-at Karo! Aur Apne Aamaal Ko Barbaad Na Karo..” – [Surah (47) Mohammad Aayat 33]
Yaani Allah Aur Uskey Rasool Ki Nafrmaani Karke Apne Amaal Ko Barbad Na Karo..
Isi Tarha Allah Rabbul Izzat Ek Aur Ayat Me Farmata Hai:
♥ Al-Quran: “Aye Wo Logon Jo Imaan Laye Ho! Gour Se Suno Ke Allah Aur Uskey Rasool Jis Taraf Tumhe Bulatey Hai Uss Taraf Jao, Jab Ki Allah Ke Rasool (Sallallahu Alaihay Wasallam) Uss Cheez Ki Taraf Tumhe Bulatey Hai Jo Tumhe Zindagi Deti Hai Duniya Aur Aakhirat Ki,..
Agar Tum Aisa Na Karoge Tou Jaan Lo Ke Allah Insan Aur Uskey Dil Ke Bich Me Aad Ban Jata Hai , Usko Hidayat Se Door Kar Deta Hai.. Aur Yaad Rakho Ke Palat Kar Allah Hi Ki Taraf Jana Hai Tum Sabko..” – [Surah (8) Anfal: Ayat 24]
Tou Agar Rasool’Allah Ki Ita’at Se Baarbaar Gurez Kiya Kisiney Tou Allah Haayal (Aad) Ho Jata Hai Insan Aur Uskey Dil Ke Bich Me Aur Usey Hidayat Ki Taraf Aaney Nahi Deta ,…
Iss Se Pehle Ke Ye Ho Jaye Sunnat Ko Chorr Chorr Kar Ke Hidayat Se Hum Door Ho Jaye Hume Jaruri Hai Ke Sunnat Ko Thaam Le Aur Laazim Samjhey…
# Sunnat-e-Rasool Ko Tark Karne Waley Ka Duniyawi Anjaam :
» Aayiye Aagey aur Kya Nuqsaan Hoga Duniyawi Aitbaar se Agar Sunnat-e-Rasool Ko Hum Chorr Dengey …
• Allah Rabbul Izzat Surah Anfal ki Ayat Number 46 me Farmata Hai:
♥ Al-Quran: Aye Wo Logon Jo Iman Laye Ho! Ita’at Karo Allah Ki Aur Ita’at Karo Uskey Rasool Ki ,.. Aur Aapas Me Ikhtelaf Paida Na Karna ! Agar Tum Aisa Karoge, Tou Tum Buzdil Bana Diye Jaoge, Aur Tumhara Iqbaal Jata Rahega ,.. Aur Sabr Se Kaam Lo ,.. Ke Allah Sabr Karne Walo Ke Sath Hai,.. – [Suraj (8) Ayat 46] – @[156344474474186:]
Tou Allah Duniya Me Buzdili Ata Kar Dega Aur Hawa Ko Ukhad Dega Humari ,.. Yaani Humara Dabdaba Aur Roub Khatm Kar Dega Duniya Se… Lihaja Sabr Karte Raho Ke Beshaq Allah Sabr Karne Walo Ke Sath..
Tou Ye Bhi Wo Nuqsaan Hai Jo Duniya Me Hoga ,…
* * * * *
• Ab Aayiye Gour Karte Hai Ke Aakhirat Me Kya Khassara Uthayenge Hum Sunnate Rasool Ko Chorrkar,..
# Sunnat-e-Rasool Ko Chorrne Ka Aakhirat Me Nuqsaan:
Allah Rabuul Izzat Quraan me Farmata Hai Unn Logon Ke Talluk Se Jo Allah aur Uskey Rasool Ki Ita’at Nahi Kartey ,..
♥Al-Quraan: Jo Allah Aur Uskey Rasool Ki Naframani Karey aur Unki Hado Ko Farlang Kar Jata Hai,.. Dakhil Kar Diya Jayega Jahannum Ki Aag Me,.. Usmey Rahega Humesha Humesha Ke Liye ,.. Aur Kya Hi Sakht Azaab Hai .. – [Surah (4) Nisa Ayat 13]
Tou Wo Log Jo Allah Aur Uskey Rasool Ki Baat Nahi Mantey ! Aakhirat Me Jahannum Me Jaaney Waley Hai,..
• Aayiye Rasool’Allah (Sallallahu Alaihay Wasallam) ki Ita’at Ke Talluk se Chand AaHadee Dekh Letey Hai,..
» Mehfum-e-Hadees: “Jisne Meri Sunnat se Mohabbat ki Usney Mujhse Mohabbat Ki, Aur Jisne Mujhse Mohabbat ki Wo Jannat me Mere Saath Hoga.” – (Mishkaat H#165)
Ye hai Sunnate Rasool!! Jannat me Jaaney ki Zaamin hai ye,…
• Aagey Rasool’Allah (Sallallahu Alaihay Wasallam) Farmatey hai:
» Mehfum-e-Hadees: Rasool’Allah (Sallallaho Alayhe Wasallam) Ne Farmaya –
“Meri Saari Ummat Jannat Me Chali Jayegi Siwaye Uskey Jisney Jannat Me Jaaney Se Inkaar Kar Diya”.
Sahabaon (RaziAllahu Anhu) Ne Pucha – “Aye Allah Ke Rasool! Jannat Me Jaaney Se Tou Koi Bad Bakht Hi Inkaar Karega”.
Aap (Sallallaho Alayhe Wasallam) Ne Farmaya – “Jisne Meri Ita’at Ki Wo Jannat Me Gaya Aur Jisne Meri Nafarmani Ki Usney Jannat Me Jaaney Se Inkaar Kar Diya”. – (Sahi Bhukhari, Kitaab Ahkam)
Tou Rasool’Allah (Sallallahu Alaihay Wasallam) Ki Sunnat ka Inkaar Kar ke Hum Duniya me Hii Jannat ka Inkaar Kar Dey Rahe Hai ,.. Ye Hai Rasool’Allah (Sallallahu Alaihay Wasallam) Ki Sunnat Ahmiyat ,…
Beharhaal Jo Baatey Hum Aapke Samne Sunnat Ki Ahmiyat Ke Taaluk Se Rakh Rahe Hai Usey Pura Karenge Ek Wakiye Se,.. Jo Rasool’Allah (Sallallahu Alaihay Wasallam) Ka Ek Mash’hoor Aur Maruf Wakiya Hai ,.. Aur Ismey Bhi Ita-ate Rasool (Sallallahu Alaihay Wasallam) Ke Talluk Se Baat Wajeh Hoti Hai…
» Mehfum-e-Hadees: Aap (Sallallahu Alaihay Wasallam) Ek Roz Sahaba-e-Kiram Ko Waaz Aur Nasihat Farma Rahe They Aur Umar Ibne Khattab (RaziAllahu Anhu) Ek Taraf Khadey Hokar Tauraat Ka Nuskha Lekar Usmey Se Kuch Padh Rahey They…
Yeh Dekh Kar Rasool’Allah (Sallallahu Alaihay Wasallam) Ka Chehra-e-Mubarak Laal Ho Gaya.
Abu Baqar Siddhiq (RaziAllahu Anhu) Ne Yeh Dekha Aur Kaha – ‘Aye Umar Kya Tum Dekh Nahi Rahe Ke Rasool’Allah (Sallallahu Alaihay Wasallam) Ka Chehra-e-Mubarak Kaisa Ho Gaya Hai Tumhare Iss Amal Par’ ..
Jab Aap Umar (RaziAllahu Anhu) Ne Dekha Tou Fauran Kaha – “Radheetu Billahi Rabba, Wa Bilislami Deena, Wa Bi Muhammadin Nabiya”
(Tarjuma: Mai Raazi Hu Ke Allah Mera Rabb Hai, Deen Mera Islam Hai Aur Mohammad (Sallallahu Alaihay Wasallam) Mere Nabi Hai.)
Aur Fir Rasool’Allah (Sallallahu Alaihay Wasallam) Ne Umar Ibne Khattab Ki Taraf Dekha Aur Kaha –
“Aye Umar! Agar Mere Hotey Hue, Musaa (Alaihay Salam) Bhi Aa Jaye, Tou Unko Meri Itteba Ke Siwa Aur Koi Chara Na Hoga! Aur Agar Mere Hotey Hue Tum Unki Baat Maano Tou Tum Gumraah Ho Jaoge” – (Bukhari Sharif) – @[156344474474186:]
* Andaza Lagaiye, Musaa (Alaihay Salam) Ke Talluk Se Baat Ho Rahi Hai, Jinke Talluk Se Khud Rasool’Allah (Sallallahu Alaihay Wasallam) Farmatey Hai Ke –
“Mere Aur Musaa Ke Bich Me Mu’azna(Comparison) Na Kiya Karo! Kyun Ke Qayamat Ke Roz! Jab Mai Behoshi Se Uthkar Khada Rahunga Tou Kya Dekhta Hu Ke Musaa Allah Ke Arsh Se Lag Kar Pahle Hi Khadey Hue Hai. Mai Nahi Janta Ke Wo Behosh Hue Ya Na Hue, Ya Mujhse Pahle Uthkar Khadey Ho Gaye”.
Yeh Hai Musaa (Alaihay Salam)! Aur Aap 5 Ulool Azm Paigmabro Se Ek Hai.
Aur Inhi Ke Talluk Se Rasool’Allah Farmatey Hai Ke – Meri Moujudgi Me Musaa Bhi Aa Jaye Tou Meri Itteba Ke Siwa Aur Koi Chara Na Hoga, Aur Tum Unki Itteba Karo Tou Tum Gumraah Ho Jaoge., .
Tou Jab Musaa (Alaihay Salam) Ki Itteba Rasool’Allah (Sallallahu Alaihay Wasallam) Ki Moujudi Me Karne Se Gumraahi Aati Hai ,..
Tou Andaza Lagayiye, Rasool’Allah Ko Chorrkar Jin Logon Ne Inko Aur Unko, Falah Aur Falah Ko Itteba Ke Layak Bana Liya Hai Unka Kya Hoga Sirf Tasawwur Hi Kiya Ja Sakta Hai..
Aur Fir Iske Baad Humara Ye Kehna Ke –
*Inki Aur Unki Baat, *Aisi Aur Waisi Baat,
* Bado Ki Aur Choto Ki Baat, * Ilaqe Aur Rangat Ki Baat
Yaad Rakhiye Ye Tou Bohot Hi Ghatiya Baat Hai !
Yakinan Musaa (Alaihay Salam) Jaisa Muqaam Iss Ummat Ke Kisi Bhi Shaksh Ka Nahi Ho Sakta..
*Puri Insaniyat Bhi Jama Ho Jaye, Tou Ek Nabi Ke Muqaam Tak Nahi Pohoch Sakti..
Tou Andaza Lagayiye Humne Tou Rasool’Allah (Sallallahu Alaihay Wasallam) Ko Chorrkar Pata Nahi Kin-Kin Ko Apna Sahara Bana Liya.. Kin-Kin Ke Tareeko Par Hum Chaltey Hai Aur Kya-Kya Amaal Humne Apni Zindagi Me Ijad Kar Liye Hai..
» Sabaq: Iss Aahdees-e-Mubarak Se Maloom Hua Ke Allah Ke Nazdeeq Kisi Shakhs Ka Imaan Kabile Kabool Nahi Jab Tak Ke Wo Rasool’Allah (Sallallahu Alaihay Wasallam) Ki Iteeba Na Karey..
* Aur Ab Jab RasoolAllah(Sallallahu Alaihay Wasallam) Ki Shariyat Allah Ne Tamam Aulaade Adam Par Farz Ki Hui Hai Tou Rasool’Allah Ko Chorrkar Kisi Aur Ke Tareeko Ko Tasleem Karna Bhi Gumraahi Hogi..
Lihaja Humey Chahiye Ke Shariyat Ka Sahi Ilm Hasil Kare, Uss Par Khud Bhi Amal Karey Aur Auro Ko Bhi Zamane Jahiliyat Ke Fitno Se Aagah Karne Ki Koshish Karey..
# InshaAllah-Ul-Azeez!!!
# Allah Ta’ala Humey Rasool’Allah (Sallallahu Alaihay Wasallam) Ki Sunnato Ka Muttabe Banaye,
# Rasool’Allah(Sallallahu Alaihay Wasallam) Ki Sacchi Mohabbat Hum’me Daaley…
# Unki Sunnato Ko Samjhna Aur Uspar Chalna Humare Liye Aasan Karey..
# Aur Humari Naslo Me Rasool’Allah Ki Sunnat Ko Baaki Rakhey..
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!
